Close

Lyricsation

كلمات اغنية على راسي ونوس ليريكساشن

 

كلمات اغنية على راسي ونوس ليريكساشن


كالعادة مش عارف اعيط يعني حتى مشاعري سابتني وقبل ما رجلي تخطي في حتة بلاقي الحزن سابقني انا عايش مسخ ملامحي ثابتة دايما مبضحكش مش عايش دور ضحية انا كنت بضر حتى في نفسي.

كلمات اغنية على راسي ونوس

على راسي

  • انا 100 شخصية في بعض وكل واحدة اوسخ من التانية.
  • مش كل فترة بسوق انا بتحول يدوب في ثانية في حد فيا في كل ليلة بيوزني اقتلني.
  • انا شكلي اكبر بكتير من شكل اي حد في سني انا لما النوبة بتجيلي بتلوي وبترمي في الارض.
  • بعدها بفوق متعصب ويقولو انت ليه اتغيرت بيعايروني باغاني حكيت انا فيها حاجات تعباني.
  • انا كنت هغني ليه لو كنت لقيت في ناس سمعاني وانا 14 سنة سريري كان رصيف الشارع.
  • سمعت الكل شتمني في بيته عملت ان انا مش سامع.
  • كانت بتدور حروب مابيني وبين كلاب السكك كانت اصغر عركة بخرج منها ودمي يملى برك.
  • لحد ما انا بقيت كبيرهم معلش صدمتك هيكون الوصف قليل.
  • لو قولتلك اللي انا متمرمط وانا مش سوي اطلاقا حتى في الكلام بتلغبط نرجع لنقطة الاصل انا ليه مش عارف اعيط.

دقت على راسي طبول

  • دقت ع رأسي طبول والدنيا كانت ماسكة الصاجات.
  • اخاف ع ايه ليضيع ايش ياخد الريح من البلاط وهصدق ليه الوعود ما كل الناس دي يدوب فترات.
  • الدنيا دي سيرك واحنا يدوبك فيها اراجوزات.
  • ببتسم اما المح طفل معاه مامته وباباه واخواته وبسال نفسي هل كان ينفع ابقى في يوم مكانه.
  • يا احمد ارضى بالمكتوب وبلاش تكون اناني انا كنت ابويا واديني مت واتيمت تاني.
  • وفي مرة عملت مصيبة والناس جات تسالني انا مين وراسي جات في الرض لما سالو اهلك فين.
  • كان نفسي الارض تتشق وتبلعني ساعتها زعلت وطبعا ملقتش غير المزيكا احكيلها.
  • كان نفسي سوء الظن يطلع غلط لو لمرة وقولتلك يا نفسي بلاش تسامحي عملتي طارشة.
  • الدنيا بخيلة دي بتدينا الفرحة بالقطارة معدتش جارتي بقيت بغني ليها خسارة خسارة.
  • غريبة والله الدنيا حقيقي ظالمة متعشمتش اخدها في حضني انا كان املي تزورني في حلمي مرة.
  • كالعادة وانا بكتب المواضيع دخلت في بعض انا اسف ليك يلي بتسمعنى عارف ان انت اكيد صدعت.

الشوارع علمتني انام مفتح عيني

  • نومة الشوارع علمتني انام مفتح عيني انا كان زماني حد كويس لولا ان انتي مشيتي.
  • صدقيني مصنتش حد قد ما صونتك في كل بنت انا شوفتك فازاي هنسى بمسح صورتك.
  • ايوة انا عارف ان الغلطة دي كانت مني ساكت على طول علشان في دماغي دوشة وناس كاتمني.
  • شبكلي يمكن اطول احلامي وانجح لو لمرة سامحت وبرده اذوك ف ليه صممت تعيد الغلطة.
  • قبل ما تمشي قولتي ف انا شاكر لذوقك انتي معاه ونسياني.
  • طيب ليه وانا معاها بحس اللي انا بخونك وعدني قلبي يحب غيرك بس خاني.
  • فشربت وقولت هنسى لقيتني سكرت واتخيلتك جنبي حظي وحش عارف مش هوصل مهما اجازف.
  • مليش صحاب ولا اهل كل الناس يدوب معارف مضعفش قلمي بس التعب ضيع الموهبة.
  • انا ايوة مشاعري تايهة وزي اوضتي متكركبة والدنيا مسكتلي الصاجات.
  • نمت عشان ابطل افكر فيكي حلمت بيكي ضاقت عليا الدنيا رغم انها كانت زي عنيكي.
  • اه كانت واسعة بس كانت غامقة تميل للاسود حتى انتي زي الدنيا رغم طيبتي بتظلميني.
  • وليه كل ده ماكنتي تمشي من البداية خلتيني كرهت نفسي معدتش طايق ابص في المراية.
  • قالتلي الدنيا زايلة والمكسب في الاخرة بعدت عن الحرام عشانها وطلعت في النهاية عاهرة.
  • فات الاوان لم كرامتك وامشي اوام لو فضلت تبص على الي راح هتتكعبل قدام واهي ماشية.
  • المركب غرقت ووصلنا البر بقشة اعيش يوم واحد حر احسن ما اعيش سنين مرمي في مستشفى.
  • فهمت جريت ورا الحقيقة ولما وضحت انا ندمت من الصدمة فضلت مكاني لا استسلمت ولا كملت ولا اتكلمت.
  • لكن سكوتي حكى بلاوي على طول لوحدي شوفت قد ايه انا اجتماعي.

كرهوني في شكلي

  • اسف طولت عليك لكن انا ما بصدق حد يسمع الناس دي عاوزة تفرح لكن انت ياكش تولع.
  • ميغركش الشهرة انا كل يوم بكون لوحدي وازاي مشهور اساسا ده انا محدش سال عني.
  • يدوب ارقام الوفات لكن الشات فراغ جيه اليوم ودوقت السم مع اني مكنتش الطباخ.
  • مستعجب كلو وصل الصابر والمستعجل وانا في مكاني ثابت بس رغم كدا بكمل.
  • هرضى حاضر هنسى الماضي واشوف الحاضر كلهم فرحوا محدش لاحظ اني مكنتش حاضر.
  • خانتني ايدي زادت رعشتها وبان عليا اللي انا متوتر مش مركز او اعصابي سايبة.
  • سافرت عشان مش عايز اشوفك انا هجيت من بلدي بالصدفة واحدة شبهك كانت في الكرسي اللي جنبي.
  • شوفت قد ايه انا حظي وحش وبيخذلني نصيحة اقفل الغنوة وابعد عني بلاش تسمعني.
  • دول كرهوني في شكل اكمني مش جميل وكده لو حد شاف انا مش حلو لو يعرف يلوم ربنا.
  • بتاخدو بالمظاهر وبترجعوا تقولوا شكلهم حلو وروحهم لاء محدش فينا كامل فوقوا وهي الدنيا كده.
  • بتخلي الطيب عبرة اراضيها واسعة وتيجي عندي وتبقى خرم ابرة وعند الكل راسية وعندي انا غربال احبابنا جحا يبعوا بيوتهم ويحنوا لمسمار.

اليكم المزيد من كلمات اغاني احمد ونوس شاهد كلمات صعبان عليا مكتوبة.
قد يفيدك الاطلاع ايضا كلمات اغنية واجرن لونوس كاملة.

ليريكساشن ننشر لكم كلمات اغنية على راسي ونوس , جميع الحقوق محفوظه