كلمات اغنية ماقف عدوك – متعب الفهادي
لازان وقتك كل حي معك زان
وان شان وقتك صار كل عدوك
مدري كذا لايام والوقت خوان
والا لوادم جوها غير جوك
بس الوكاد انها على موعد حان
عسى العواصف ماتحرك هدوك
مايشرح الخاطر سوا صوت لاذان
وياملبي الداعي ترى الله توك
الناس ماتملك لك افراح واحزان
ولوكان تملك كان ماقف عدوك
احدٍ يبيك تصير جايع وضميان
واحدٍ يبي يكشف على الناس سوك
لكن رب البيت ساتر ومنان
اقرب من الله وانت تلقاء علوك
وان ضاق صدرك من غثاء فلان وفلان
اللي على دربك تعرض المشوك
اسفه فعايلهم ترا السفه حقران
واشعل على روس المراقيب ضوك
خل ألك علم ٍ مثل ماقيل / رنان
لايعذلك من قال بدري وتوك
ترا الحصان ان ماسبق ماهو حصان
خل البروق تلوح في عرض نوك
هذي الحقيقه دون زود ٍ ونقصان
وياقصدٍ الله ترا الله توك
غناء: متعب الفهادي
كلمات: غير معروف
الحان: غير معروف
ليريكساشن ننشر لكم كلمات اغنية ماقف عدوك – متعب الفهادي , جميع الحقوق محفوظه