Close

Lyricsation

كلمات اغنية مجريات الكون اسعد البطحري

 

كلمات اغنية مجريات الكون اسعد البطحري


كلمات اغنية مجريات الكون اسعد البطحري مكتوبة وكاملة

اسم الاغنية : مجريات الكون
كاتب الاغنية : عاصم بن عاطف اليافعي
ملحن الاغنية : اسعد البطحري
غناء : اسعد البطحري

بسم من سطح لنا ارضه وهي في الكون كورة

مالك الملك العظيم ونعبده ونجل شانه

من وهبني موهبه و الموهبه فيني فخوره

لين ماشبعتها ابداع في ارض اللبانه

فوق متن الكسز الي يعجبك صوتً وصورة

يستثير الهاجس الي دوم تتلاطم بحوره

لين ماتهداً وتصبح مثل عود الخيزرانه

الشعر يدخل علي ناصي اذا حس بخطورة

وان وصلني ينتشي ويقوم ويحصل امانه

واطلقه من بعد مايرتاح ويضبط اموره

وان رجعلي مادفعه الا شعوره بالاهانه

مره يداري شعوري مره اداري شعوره

بيني وبينه علاقة زادها الباري متانه

لاتلوموني اذا استدعتني اسباب الضروره

والضروره عذرها موجود حتى في الديانه

مجريات الكون واحداثة وماتحمل شهورة

مدرسة تدخل بخانه منها وتروح خانه

ماتعلّم غير من فكّر ويطلع فوق طوره

عنده الخطة البديلة لو تعرّض للخيانة

والبشر انواع والي عايشاً في غير دوره

عايشاً مقلب وظنه صايراً عنتر زمانه

احد حاضر في غيابه واحد غايب في حضوره

واحد بلسانه بلاه واحد عزه في لسانه

اعذر المبدع اذا سبب له ابداعه غروره

غير ما اعذر فقير المحتوى يسرج حصانه

وامدح الي يستحق المدح وطويله شبوره

فالمدح مثل الامانه والرجل حسب الامانه

سالم سهيل النقيب اليافعي وصل جسورة

نص دينه كمله والله بالتوفيق عانه

شاعراً يفرق عن الباقين في لفتة حضورة

يلفت الجمهور باسلوبة وفي حبكة بيانه

ماتكلف لاجل يصنع من بيوت الشعر صوره

تاتي الصوره وهو تاكي مريح في مكانه

مثل سالم يعجبك ويشرفك ساعة ظهورة

المروة والمبادي والفصاحة والرزانه

ان تكلم فالكلام يطيش بدواعي سروره

كن راسه للثقافه والادب مثل الخزانه

والكرم لو يشتكي في عصرنا يجبر كسوره

خير مقصد للذي يحتاج لطباعه صيانه

ولد شيخً روض الصعبات بالنفس الصبورة

عاصر الدنيا وخذ منها عن الزلة حصانه

المجالس تفقده والطيب واعراف المجوره

جعل ربي يكرمه بأعلى المراتب في جنانه

من قبيلة عزها الرحمن ولحاها وقورة

وين ماراحو عليهم اشر المجد ببنانه

النقيب المرجع الي تاخذ الاشوار شوره

موسطي يعطي الضمانه يوم ماتلقى الضمانه

اصلنا واحد لنا التاريخ من سابق دهوره

يحلف انه كلما دار الزمن يقوى كيانه

بعد ماصليت رحت اقرا من القران سوره

محكم التنزيل واياته الى الساعه مصانه

آتفكر في حروفة وآتأمل في سطوره

مر تبَّع وابتدى التاريخ يكتب ترجمانه

سرو حمير والملك تبع وماتحمل عصورة

تنبئ انه يافع العظمى سبب في اتزانه

من بدا الاسلام يافع بلغت في الارض نوره

ناصرينه بالسيوف وفاتحين ارض الكنانة

طيبنا مبهر لمن نفسه على الخوة شكوره

وان زعلنا يرحم الله من تمادى بالادانة

ماتغيب الشمس عنا لو تدور الارض دورة

وين ماوجهتها لليافعي ذكر ومكانة

معلومات الاغنية

اهداء من الشيخ :: أنور بن حامد اليافعي

إلى الشاعر :: سالم النقيب اليافعي ((بمناسبة زواجة))

كلمات :: عاصم بن عاطف اليافعي

اداء :: أسعد البطحري

مكساج :: هشام النفري

ت. فيديو :: المفارق

ليريكساشن ننشر لكم كلمات اغنية مجريات الكون اسعد البطحري , جميع الحقوق محفوظه